កម្មវិធីស្ត្រីកម្ពុជា​​ក្នុងវិស័យ​បច្ចេកវិទ្យា​ឆ្នាំ​២០១៨

134

 

​”កម្មវិធីស្ត្រីកម្ពុជា​​ក្នុងវិស័យ​បច្ចេកវិទ្យា​ឆ្នាំ​២០១៨​” គឺជាការផ្តួចផ្តើម​របស់​ក្រសួងប្រៃសណីយ៍ និងទូរគមនាគមន៍​​ ដើម្បី​​ជំរុញលើក​ទឹក​ចិត្ត​​ស្រ្តី​ឱ្យ​ចូលរួម​កាន់តែច្រើន​ក្នុងវិស័យ ប.គ.ព រួមចំណែក​ក្នុងដំណើរ​ការ​ប្រែក្លាយ​កម្ពុជា​ជាសង្គម​ឌីជីថល​ និង​ដើម្បី​​​បង្ហាញ​​ពីការ​តាំង​ចិត្ត​របស់កម្ពុជា​ក្នុង​កាត់បន្ថយគម្លាត​ឌីជីថល​ក្នុងវិស័យយេនឌ័រ។ កម្មវិធី​នេះ​នឹងផ្តល់​​រង្វាន់​ដល់​ស្រ្តី​ឆ្នើម​ចំនួន​បី​រូប ដែល​​បាន​​ជ្រើសរើស​​​ចេញ​ពីចំណោម​អ្នកមាន​​​​ស្នាដៃទាំង​ឡាយ​​​ក្នុងវិស័យ​បច្ចេកវិទ្យានៅកម្ពុជា​។​ ពានរង្វាន់​សម្រាប់​ស្ត្រី​មានបីប្រភេទ​​​​ដូច​ខាង​ក្រោម៖

២.​ វិស្វករស្រ្តី​ជោគជ័យ​ក្នុងជំ​នាញ​ ប.គ.ព (Cambodian Woman​ ICT Engineer Award)  នឹង​ត្រូវ​បាន​ផ្តល់​ដល់ស្រ្តី​ជាអ្នកដឹកនាំ​​​ដែល​មាន​ជំនាញ​ជាវិស្វករ​​​ផ្នែក​បច្ចេកវិទ្យា មានការច្នៃប្រឌិតខ្ពស់​ ហើយ​ទទួល​បាន​ជោគជ័យ​ក្នុងការ​ប្រើប្រាស់​ជំនាញ​របស់ ខ្លួន​​បម្រើ​ការ​ក្នុង​ស្ថាប័នផ្សេងៗ​រហូត​ដល់​ពេល​បច្ចុប្បន្ន​​។​

៣. ស្រ្តី​ដែល​បាន​ចូលរួម​ជំរុញ​ការប្រើប្រាស់​បច្ចេកវិទ្យាសម្រាប់​ការអភិវឌ្ឍ​សង្គម​ឬសហគមន៍​ (​​​​Cambodian Woman ICT For Community Award)​ នឹងត្រូវ​ផ្តល់​ដល់​ស្រ្តី​ដែលមាន​ភាពជាអ្នកដឹកនាំ​មានជំនាញ​បច្ចេកវិទ្យា​ និង​បាន​ចូល​រួម​យ៉ាង​​សកម្ម​ ដោយ​លះបង់កម្លាំងកាយ​ចិត្ត​ និងពេល​វេលា​របស់​ខ្លួន​ដោយស្ម័គ្រចិត្ត​ក្នុងការ​​ជំរុញ​ការប្រើប្រាស់​បច្ចេកវិទ្យា​ដល់​សង្គមឬ​សហគមន៍​​ ឬ​ក៏ជាស្រ្តីដែល​បានបង្កើត​ដំណោះស្រាយ​បច្ចេកវិទ្យា​ណាមួយ​សម្រាប់​បម្រើ​ដល់​ប្រយោជន៍សង្គម​មិន​គិត​ថ្លៃ​។

ដើម្បីអាចជ្រើសរើស​ជ័យលាភី​មក​ទទួលយក​នូវ​រង្វាន់​ទាំង​បីប្រភេទ​នេះ​បាន ក្រសួង​ស្នើសុំ​​ឱ្យ​​ស្ថាប័នពាក់ព័ន្ធ និង​សមាគម​បណ្តាញការងារ​ទាំងឡាយ​ចាត់​​ផ្តល់ឈ្មោះបេក្ខនារី​ ព្រមទាំង​ប្រវត្តិរូប​និងប្រវត្តិការងារ​សម្រាប់​ធ្វើ​ការ​ជ្រើសរើស​។   ស្រ្តី​ឆ្នើមចំនួនបីរូប​នឹងផ្តល់​កិត្តិយស​ទទួ​ល​ពាន​រង្វាន់ព្រមទាំង​រង្វាន់​លើកទឹកចិត្ត​នានា​​ ពីក្រសួងប្រៃសណីយ៍ និង ទូរគមនាគមន៍​។ ពួកគេ​ក៏​នឹង​ត្រូវស្នើសុំ​ផ្តល់​បទសម្ភាសន៍​ដើម្បី​បង្កើត​ជា​វីដេអូ​ខ្លី​ៗ​ក្នុង​ប្រធានបទ ការផ្តល់​សិទ្ធិអំណាច​ដល់ស្រ្តី​តាមរយៈ​បច្ចេកវិទ្យា គមនាគមន៍ និងព័ត៌មាន​ សម្រាប់​ផ្សព្វផ្សាយជំរុញ​ការចូលរួម​របស់​ស្រ្តី​ដទៃ​ទៀត​ជា​​បន្តបន្ទាប់​ដែរ​​។

 

ចុចលើទីនេះដើម្បីបំពេញពាក្យស្នើសុំបេក្ខភាព (NOMINATION)